Khutbah Idul Fitri 2020 Bahasa Jawa (Download PDF)

KHUTBAH PERTAMA IDUL FITRI BAHASA JAWA 2020

Khutbah idul Fitri 2020 Bahasa Jawa terbaru terlengkap

Poro sederek muslimin muslimat rohimakumulloh.
Monggo sareng-sareng ngunjuaken puji lan sukur dumateng Allah Ta’ala ingkang wonten ing enjang dinten puniko sampun mangsulaken kesucian kito minongko unduh-unduhan pakerti kito wonten ing saklebete wulan romadhon kanthi nindaake siam, solat tarawih, soho ibadah sanesipun.

‘Idul fitri puniko anggadahi teges wangsuling menungso dateng kesucian lan menungso ingkang dipun kersaaken wonten ing mriki tiyang-tiyang muslim soho mu’min. Maqsutipun sabensaben tiyang muslim soho mu’min ingkang saget ngestoaken dawuhipun Alloh Ta’ala soho nderek sunnah-sunnah ipun Rasululloh SAW. Kanthi nindaaken siam wanci siangipun wulan romadhon lan nindaaken solat tarawih utawi njumenengi ibadah wonten wenginipun romadhon. Tiyang kasebat dipun umpamaaken deneng Kanjeng Nabi kados dene jabang bayi ingkang nembe lahirateges fitroh mboten anggadahi duso wonten ngarso Allah SWT.

الله اكبر الله اكبرولله الحمد

Poro sederek muslimin muslimat rohimakumulloh Salah setunggaling kamenanganipun umat islam ingkang wonten ing dinten riyoyo ‘idul fitri meniko ingkang dipun ngendikaaken deneng gusti Rosululloh SAW

Artosipun “Wong kang poso iku diparingi bungah loro, (1)bungah naliko buko utowo bungah naliko riyoyo sakwuse rampung puasane, (2)bungah naliko ketemu pengerane mbesuk ono ingakhirat”

Kamenangan soho kebingahan ingkang dipun paringaken dateng kito umat islam wonten ing dinten ‘idul fitri puniko mboten ateges kito dipun parengaken remen remen sak sekecanipun atawi ngumbar howo nafsu. Awit menawi mekaten bade medal sangking paugeraning agami ingkang akhiripun kito dumawah wonten ing jurang karisakan inggih puniko ngrusak dateng fitroh kesucian kito soho nampi benduning pengeran ingkang Moho Kuwaos. Ananing umat Islam kedawuhan ngegungaken Asmanipun Alloh kanthi tetep nindaaken taqwa dumateng Alloh minongko raos syukur kito dateng peparingipun. Kados dawuhipun Alloh Ta’ala wonten Al-Qur’an

Baca Juga :  Khutbah Jumat bahasa jawa bulan Dzulqa'dah Part 2

وَلِتُكْمِلُوا۟ ٱلْعِدَّةَ وَلِتُكَبِّرُوا۟ ٱللَّهَ عَلَىٰ مَا هَدَىٰكُمْ وَلَعَلَّكُمْ تَشْكُرُونَ ﴿البقرة :۱۸۵

Artosipun: “lan bisoho siro kabeh podo nyampurnaake wilangane dino anggon siro poso romadhon lan siro kabeh podo ngegungno Allah Ta’ala kanthi nurut totocoro kang wus den tuduhake supoyo siro kabeh podo syukur marang Allah Ta’ala”

kanthi ngumandangake waosan takbir, tahlil soho tahmid ingkang kito tindaaken wiwit surup suryo akhiripun wulan romadhon hinggo khotib minggah dateng mimbar. Wondene ngegungaken dateng Alloh inggih puniko nindaaken sedoyo lampah ibadah kados silaturrokhim soho halal bi halal kanthi njagi kawontenan ingkang saweg kitho alami. Ugi babagan meniko Allah sampun paring pangandikan wonten surat Ar-Rum ayat 30

فَأَقِمْ وَجْهَكَ لِلدِّينِ حَنِيفًا ۚ فِطْرَتَ ٱللَّهِ ٱلَّتِى فَطَرَ ٱلنَّاسَ عَلَيْهَا ۚ لَا تَبْدِيلَ لِخَلْقِ ٱللَّهِ ۚ ذَٰلِكَ ٱلدِّينُ ٱلْقَيِّمُ وَلَٰكِنَّ أَكْثَرَ ٱلنَّاسِ لَا يَعْلَمُونَ ﴿الروم : ۳۰

Baca Juga :  Khutbah Idul Fitri 2020 PCNU Kab. Kediri (Download PDF)

Artosipun: “mulo adepno jiwa ragamu kanthi condong mareng agama Islam lan siro tetepo ono fitrohe Alloh (nglakoni perintah agomo kang wus ginaris deneng Alloh Ta’ala), ora ono owahowahan kanggone makhluke Alloh, koyo mengkono iku netepi agomo kang jejeg, ananging akehakehe menungso ora podo ngerti tegese podo lali marang Alloh naliko nemoni kamulyan dunyo”

Poro sederek muslimin muslimat Rohimakumulloh ‘Idul fitri ateges mengku wangsul dateng fitroh atawi kesucian kagem sedoyo menungso sak sampunipun nglatih jiwo raganipun sak lebeting setunggal wulan nglampahi siam soho ibadah lintunipun kangge nyaketaken jiwanipun dating Alloh Ta’ala sahinggo dados jiwa muttaqin ingkang sampurno. Milo sangking meniko kawontenan ingkang fitroh lan suci puniko monggo kito jagi sampun ngantos risak kanthi kito ningkataken pengatos-atos wonten ing sedoyo tumindak tuwin tambahing taqwo dumateng Alloh SWT.

 تَقَبَّلَ اللّهُ مِنَّا وَمنٌِكُمٌ وَجَعَلَنَا وَاِيَّاكُمْ مِنَ الْعَائِدينَ وَالْفَائِزِيْنَ وَقُلْ رَبِّ اغْفِرْ وَارْحَمْ وَاَنْتَ خَيْرٌ الرَّاحِمِيْنَ

KHUTBAH KEDUA IDUL FITRI 2020 BAHASA JAWA

khutbah bahasa jawa idul fitri 2020
khutbah bahasa jawa idul fitri 2020

Sumber : pcnukabmagelang.or.id

Untuk Download Versi PDF nya silahkan Klik Disini