Khutbah Bahasa jawa Bulan DzulQa’dah Tentang Orang Yang Beruntung dan Rugi

Khutbah Jumat bulan dzulqo'dah terbaru tentang ahli surga dan neraka

اَلْحَمْدُ لِله ٢ الْملِكِ الْجَبَّارِ. اَحْمَدُهُ سُبْحَانَهُ وَتَعَالَى وَاَشْكُرُهُ عَلَى نِعَمِهِ الْغِزَار. وَاَشْهَدُ اَنْ لآ اِلَهَ اِلَّا اللهُ وَحْدَهُ لَا شَرِيْكَ لَهُ. شَهَادَةً تَكُوْنُ لَنَا دُخْرًا عِنْدَ الْعَزِيْزِ الْغَفَّار. وَاَشْهَدُ اَنَّ سَيِّدَناَ وَنَبِيَّنَا مُحَمَّدًاعَبْدُهُ وَرَسُوْلُهُ الْمُصْطَفَى الْمُخْتَار . اَللهمَّ صَلِّ وَسَلِّمْ عَلَى عَبْدِكَ . وَرَسُوْلِكَ النَّبِيِّ الأُمِيِّ سَيِّدِنَا مُحَمَّدٍ مِفْتَاحِ الْبَابِ الْيَسَار . وَعَلَى اَلِهِ الأطْهَارِ . وَاَصْحَابِهِ الأَخْيَارِ. وَمَنْ تَبِعَهُمْ بِإِحْسَانٍ عَدَدَ الرِّمَالِ وَالاحْجَارِ.

اَمَّا بَعْدُ . فَيَا مَعَاشِرَ المُسْلِمِيْن رَحِمَكُمُ الله وَغَفَّرَ لَكُمْ – اِتَّقُوا اللهَ مَااسْتَطَعْتُمْ لَعَلَّكُمْ تُفْلِحُوْنَ .

Pårå sederek kaum muslimin ingkang minulya…

Monggo samio netepi taqwa dumateng Allah Ta’ala, Ninda aken perintah-perintah ipun ingkang sarana ajek arupi :

  • Sholat Fardhu gangsal Wekdal ampun ngantos dipun tinggal
  • Siyam Ramadhan
  • Ngedalaken Zakat tumrap tiyang Islam ingkang sampun kewajiban zakat
  • Ibadah Haji tumrap tiyang Islam ingkang sampun kengeng kewajiban haji.

Sinten tiyang Islam ingkang wantun nilar kewajibanipun tentu wonten ukuman mlebet neraka.

Para Sederek Kaum Muslimin, Rahimaniyallahu wa iyyakum…

Sedoyo menungso puniko dipun bagi dados kaleh golongan, setunggal golonganipun ingkang bejo lan nomer kaleh golonganipun ingkang ciloko.

1. Golongan ingkang ciloko

Meniko golonganipun manungso kalian jin ingkang mboten purun taat dumateng perintah ipun Gusti Allah Ta’ala. mboten purun syahadat bilih mboten wonten Pengeran Ingkang Haq dipun sembah sak lentunipun Gusti Allah lan Kanjeng Nabi Muhammad Shallallahu ‘Alaihi Wasallam puniko Utusanipun Gusti Allah.

Golongan ingkang kados meniko mangkeh wonten akhirat bakal ngraosaken kerugian ingkang ageng sanget lan dipun panggenaken wonten neroko sak lawase.

Baca Juga :  Khutbah Jum'at : Menerangkan Tentang Shalat

Gusti Allah Ta’ala Sampun Dawuh :

وَمَنْ يَبْتَغِ غَيْرَ الإِسْلاَمِ دِيْنًا فَلَنْ يُقْبَلَ مِنْهُ وَهُوَ فِي الأَخِرَةِ مِنَ الْخٰسِرِينَ

Sopo wonge mureh Agama sakliyane Agama Islam mongko ora bakal den trimo agama iku mau, Lan wong iku ing dalem akhirat kalebu saking golongane wong-wong kang nompo kerugian.

Dene rupinipun golongan saking kafir kitabi (yahudi lan nasrani) lan golongan Musyrikin, yakni golongan ingkang nyembah berhala, geni, srengenge lan sesembahan-sesembahan sanes Gusti Allah.

إِنَّ الَّذِيْنَ كَفَرُوا مِنْ اَهْلِ الْكِتَابِ وَالْمُشْرِكِينَ فِى نَارِ جَهَنَّمَ خَالِدِيْنَ فِيْهَا أُولٓئِكَ هُمْ شَرُّ الْبَرِيَّةِ

Saktemene wong akeh kang podo kufur rupo wong-wong kafir kitabi, Ya iku wong-wong yahudi lan wong-wong nasrani lan wong-wong musyrik. Wong-wong kabeh mahu iku tetep ing dalem neroko jahannam kang langgeng. Wong-wong iku Olo-olone Makhluk.

2. Golongan Ingkang Bekjo

Golongan ingkang bejo puniko golonganipun Jin Lan Manungso Ingkang Nekseneni lan Nyuwiji aken dumateng Gusti Allah, lan nekseni bilih kanjeng Nabi Muhammad Shallallahu ‘Alaihi Wasallam meniko Utusanipun Gusti Allah. Serta Nglampahi sedoyo perintah-perintah ipun Gusti Allah Lan Nebihi Awisan-awisanipun.

Golongan ingkang kados meniko sampun dipun janjeni kalian Gusti Allah ta’ala bade dipun lebetaken wonten suwargo.

Allah ‘Azza wa Jalla sampun ngendikan wonten ing Al-Qur’an:

وَعَدَ اللهُ المُؤْمِنِيْنَ وَالمُؤْمِنَاتِ جَنَّةٍ تَجْرِى مِنْ تَحْتِهَا الأنْهٰرُ خَلِدِيْنَ فِيْهاَ وَمَسٰكِنَ مِنْ طَيِّبَةً فِى جَنَّتِ عَدْنٍ وَرِضْوانٌ مِنَ اللهِ اَكْبَرُ ذَلِكَ هُوَ الفَوْزُ الْعَظِيْمُ

Gusti Allah wis janji marang wong-wong mukmin lanang lan mukmin wadon mlebu suwargo, kang mili saking ngisore kedung-kedung lan wit-witan suwarga bengawan arak, banyu madu lan susu sarono langgeng ing dalem suwargo.

Baca Juga :  Panduan Sholat Idul Fitri dan Kumpulan Khutbah Idul Fitri MUI 2020 Lengkap (Download PDF)

Lan Janji marang wong-wong iku mahu gedung-gedung indah arupo gedung-gedung saking mutiara, zabarjad lan yaqut ono ing ndalem suwargo Adnan. Lan aweh ridlo saking Allah Ta’ala iku luweh Agung. Kabeh mengkono iku mau kabekjan kang Agung.

Mekaten Kauntunganipun Golongan ingkang samiu Taat dumateng Gusti Allah Ta’ala.

Para Sederek kaum Muslimin Rahimakumullah…..

Kanjeng Nabi Muhammad Shollallahu ‘Alaihi Wa Sallam Sampun Ngendiko

صَلُّوا خَمْسَكُمْ وَزَكُّوا اَمْوالَكُمْ وَصُوْمُوا شَهْرَكُمْ وَحُجُّوا بَيْتَ رَبِّكُمْ تَدْخُلُوا جَنَّةَ رَبِّكُمْ بِغَيْرِ حِسَابٍ

Podo Sholato Fardhu Lima siro kabeh, lan podo ngetokno zakat saking bondo-bondo siro kabeh, Lan Podo Posoho Ramadhan Siro kabeh, Lan Pada nindakno haji marang Baitullah Siro kabeh, Mongko Bakal Mlebu suwargo siro kabeh tanpo den hisab.

Saklajengipun Monggo Kita Nyuwun dumateng Allah Ta’ala, Mugi-mugi Kerso Gusti Allah Ta’ala Pareng dateng kita sedoyo, keluarga lan anak putu hidayah lan Taufiq ipun, Saget nglampahi sedoyo ingkang dados perintah-perintah ipun lan nebihi ingkang dados awisan-awisanipun. Mugi-Mugi Gusti Allah Paring berkah ing dalem umur, rizki, Lan keluargi. Kita sedoyo keparingan Afiat, Sa’adah lan Husnul Khatimah… Allahumma Amiiin.

اَعُوْذُ بِاللهِ مِنَ الشَّيطاَنِ الرَّجِيمِ . أَمَّا الَّذِينَ آمَنُوا وَعَمِلُوا الصَّالِحَاتِ فَلَهُمْ جَنَّاتُ الْمَأْوَىٰ نُزُلًا بِمَا كَانُوا يَعْمَلُونَ

بٰارَكَ اللّٰهُ لِى وَلَكُمْ فِى الْقُرْأٓنِ الْعَظِيْمِ. وَنَفَعَنِى وَاِيّاكـمْ بِمَا فِيْهِ مِنْ الْآيَاتِ وَالذِّكْرِ الْحَكُيْمِ. إِنَّهُ هُوَالْبَرُّالرَّحُيْمُ